Myit dum Akyu jawm hpyi ya ai lamang galaw na lam saw shaga dat ga ai

De,

Kachin Alliance magam gun ni hte lit hkam ni,

Myen hpyen ni roi rip zingri zingrat n-na sat kau hkrum sai anhte a amyu tsaw Saranum yan a lam hte seng n-na Kachin Alliance hku n-na English  shaprau ai n-dau shabra laika statement hte KBC Ginjaw hte shagun ai Jinghpaw hku ka da ai n-dau laika ni hpe yawng chye lu na matu shagun ya dat ai. Matut n-na tinang hte ni nawng ai ni kaw mung bai shabra garum na matu saw shaga dat ai.

Saranum yen a matu myitdum kyu hpyi hpawng ni hpe mung tinang nga ai shara hkan galaw sa wa na matu yawng hpe n-gun jaw let saw shaga ga ai. Ndai lang gaw, n-gun madun lamang laksan n-galaw ai sha myitdum kyu hpi hpawng ni hte  anhte a matu grau akyu rawng ai lam ni byin wa hkra Amerikan Asuya hpe hkrum shaga ai lam ni hpe mahtang n-gun bang let matut shakut sa wa na ga ai.  

Du wa na laban ya shani Washington DC kaw kaga bawngsan ethnic group ni hte human rights activist ni mung shanglawm n-na Calvary Baptist Church hte rau myitdum kyu hpyi hpawng galaw na lam mung lajang nga ga ai. Sa du shanglawm na matu mung saw shaga dat ga ai.

Nhtoi: Sunday, January 25, 2015
Aten: 05:30pm
Shara; Calvary Baptist Church (755 8th Street Northwest, Washington, DC 20001)

Tinang a buga kaw myitdum kyu hpyi hpawng galaw yang hpawng na sumla ni hpe Kachin Alliance hte shagun ya na matu saw shaga dat ga ai. anhte yawng a sumla ni hpe rau bai shabra na matu re.

Hkung ga let amyu sha lam hta,

Lahkyen Ja Seng Mai
Amu Madu